ምክር ቤቱ በአንቀጽ 55፣ አንቀጽ 70(1)፣ አንቀጽ 79(4)(ሐ)፣ አንቀጽ 82(2)(ሐ)፣ አንቀጽ 101፣ አንቀጽ 102፣ አንቀጽ 103 እና... የተሰጡት ሥልጣንና ተግባራት ይኖሩታል።
እቅድ፣ በጀት እና ፋይናንስ ጉዳዮች
የኘላን፣ በጀት እና ፋይናንስ ጉዳዮች ቋሚ ኮሚቴ በሚከተሉት ጉዳዮች ላይ ክትትልና ቁጥጥር ያከናውናል፡-
1/ የልማት፣ የሀገራዊ የስታቲስቲክስ፣ የሥነ-ህዝብ፣ የአየር ንብረት ለውጥንና አካባቢን የሚመለከቱ ፖሊሲዎች፣ ስትራቴጂዎችና ህጎችን መዘጋጀታቸውን፣ አፈጻጸሙ ከሀገራዊ የልማት አቅጣጫ ጋር የተጣጣመ ዝርዝር መርኃ ግብር መዘጋጀቱን እና ተግባራዊነቱን፤
2/ አገራዊ የረጅም ዘመን አመላካች የልማት ፕላን መዘጋጀቱን፣ የአገሪቱን የአጭርና የመካከለኛ ዘመን የልማት ፕላንና ፕሮግራም ሥራ ላይ መዋሉን፤
3/ የልማት ፕላን አካል የሆነውን አገራዊ የኢኮኖሚ ዕድገት ትንበያና የማክሮ ኢኮኖሚ ማዕቀፍ መዘጋጀቱን፤ ከማክሮ ኢኮኖሚ ማዕቀፉ የተጣጣሙ የቁጠባ፣ የኢንቨስትመንት እና የወጪና የገቢ ንግድ የማክሮ ኢኮኖሚ ግቦችን መውጣታቸውን፤
4/ በመላ አገሪቱ የተመጣጠነ ልማት እና ውጤታማ የመሬት አጠቃቀምን ለማሳካት ሀገራዊ የስፓሻል ፕላን መዘጋጀቱን እና ተባራዊነቱን፤
5/ የክልሎችንና የዜጎችን ፍትሐዊ የመልማትና የልማት ተጠቃሚነት ለማረጋገጥ የሚያግዝ ሥርዓት መዘርጋቱን፤
6/ የፖሊሲ ጥናትና ምርምር ስራዎችን መከናወናቸውን፤
7/ የልማት ፕላንን ለማሳካት እንዲሁም የመንግስት የማስፈፀም አቅም ለማጠናከርና ቀጣይነት ያለው ተቋማዊ አቅም እንዲፈጠር የአስፈፃሚ ተቋማት ሪፎርም እና የሥርዓት ማሻሻያ ጥናት መካሄዳቸውን፤ እና አተገባበሩ፤
8/ ለፊስካል በተለይም ለታክስና ለቀረጥ ሕጎች መሠረት የሚሆኑ ፖሊሲዎችን፣ ስትራቴጂዎችና ህጎች መቀረፃቸውን፣ አፈጻጸሙ ዝርዝር ከሀገራዊ የልማት አቅጣጫ ጋር የተጣጣመ መርኃ ግብር መዘጋጀቱን እና ተግባር ላይ መዋሉን፤
9/ ዓለም አቀፍ ደረጃውን የጠበቀ የፌደራል መንግሥትን የበጀት፣ የሂሣብ አያያዝ፣ የክፍያና የውስጥ ኦዲት ሥርዓት መዘርጋቱን፤ አፈጻጸሙን ውጤታማነቱን፤
10/ የፌደራል መንግስት እና የክልል መስተዳድር የበጀት፣ የሂሣብ አያያዝ፣ የክፍያና የውስጥ ኦዲት ሥርዓቶች አንድ ወጥና የተጣጣሙ መሆናቸውን፤
11/ የፌደራል መንግሥቱን የግዢና የንብረት አስተዳደር ሥርዓት መዘርጋቱንና የአፈጻጸም ውጤታማነት፤
12/ የፌደራል መንግሥት አክሲዮኖችን፣ የሚተላለፉና የማይተላለፉ የገንዘብ ሰነዶችንና ሌሎች ተመሳሳይ ተቀማጭ የገንዘብ ሀብቶችን መያዙን እና የተለያዩ ፈንዶችን ለታለመላቸው ዓላማ መዋላቸውን፤
13/ የፌደራል መንግስት ፋይናንስ እና ንብረት አስተዳደር በአግባቡ መከናወኑን እና ውጤታማ መሆኑን፤
14/ የአገሪቱን የኢኮኖሚ ዕድገት ቀጣይነት እና ፍትሃዊነት እንዲሁም የተረጋጋ የማክሮ - ኢኮኖሚ ለማረጋገጥ የሚያስችሉ ፓሊሲዎች መመንጨታቸውን እና በአግባቡ ስራ ላይ መዋላቸውን፣ ኢኮኖሚው በተገቢው መንገድ እየተመራ መሆኑን፤
15/ የአገሪቱ የልማት እቅድ እና የልማት ፕሮጀክቶች የአዘገጃጀትና አፈፃፀም ስርዓት መዘርጋቱን እንዲሁም በወቅቱ በስራ ላይ መዋሉን፤
16/ ለክልሎች የሚሰጥ ድጎማ በቀመሩ መሠረት መጽደቁን፤
17/ የአገሪቱ የስነ-ህዝብ ፓሊሲ መዘጋጀቱን፣ የማክሮ - ኢኮኖሚና የፊስካል ፖሊሲዎች መመንጨታቸውን እና በትክክል በስራ ላይ መዋላቸውን፤
18/ የኢኮኖሚ ትብብሮችና ትስስሮች ከመደረጋቸው በፊት በአገሪቱ የኢኮኖሚ አፈፃፀም ላይ የሚያስከትሉት ውጤት የሚፈተሽ እና የሚገመገም መሆኑን፤
19/ የፌደራል መንግሥት ዓመታዊ በጀት በአግባቡ ተዘጋጅቶ መቅረቡን እና መጽደቁን፤
20/ የአገሪቱ የገንዘብ እና የኢኮኖሚ ልማትና ትብብር ተግባራት በአግባቡ እየተከናወኑ መሆናቸውን፤
21/ የፌደራል መንግስት ታክስና ቀረጥ አስተዳደር እንዲሁም የመንግስት ገቢ አሰባሰብ በአግባቡ እየተከናወነ መሆኑን፤
22/ ትክክለኛ የሆነ የመንግስት የበጀት፣ የሂሳብ አያያዝ፣ የክፍያና የውስጥ ኦዲት ስርዓት መዘርጋቱንና በአግባቡ እየተፈፀመ መሆኑን፤
23/ በመንግስት የኢኮኖሚና የፋይናንስ ፖሊሲ መሠረት የመንግስት የልማት ድርጅቶች በአገሪቱ የኢኮኖሚና ንግድ እንቅስቃሴ ገንቢ ሚና እያበረከቱ መሆኑን፤
24/ የፌዴራል አገር ውስጥ ገቢ አፈጻጸም ለማሻሻል እና ገቢ በአግባቡ እንዲሰበሰብ ለማድረግ ስትራቴጅዎችን መቅረፁን እና የአሰራር ስርአት መዘርጋቱን፤
25/ የፌዴራል አገር ውስጥ ገቢ የመሰብሰብ አቅም ግንባታን በቀጣይነት የሚያረጋግጡ አሠራሮችን መቀረፃቸውን እና አተገባበራቸውን፤
26/ ዘመናዊ የአገር ውስጥ ገቢ አወሳሰንና አሰባሰብ ሥርዓት መዘርጋቱንና ተግባራዊነቱን፤
27/ ታክስ ከፋዮች በፍቃደኝነት ታክስ የመክፈል ባሕልን እንዲያዳብሩ የሚያግዝ ስርዓት መዘርጋቱንና ተግባራዊ አፈፃፀሙን፤
28/ ለክልል የገቢ ሰብሳቢ አካላት ተገቢውን የአቅም ግንባታ ድጋፍ መስጠቱን፣ የፌደራልና የክልል ታክስ አስተዳደር ሥርዓት የሚጣጣሙበትን ሁኔታ መፍጠሩን፤
29/ የመንግስት የልማት ድርጅቶች የስራ እንቅስቃሴ የገበያ ጉድለትን የሚሞላ እና የነፃ ገበያ ኢኮኖሚ ግንባታን የሚደግፍ እንዲሁም ትርፋማነትና የቴክኖሎጂ ሽግግርን የሚያረጋግጥ መሆኑን፤
30/ የሚከታተላቸውና የሚቆጣጠራቸው ተቋማትን የሚመለከቱ ፖሊሲዎች፣ ህጎች፣ ስትራቴጂዎች እና እቅዶች በአግባቡ በሥራ ላይ መዋላቸውን፤
31/ የሚከታተላቸውና የሚቆጣጠራቸው ተቋማት የተመደበላቸውን በጀት በአግባቡና በውጤታማነት በስራ ላይ ማዋላቸውን፡፡
