የተከበሩ ዶ/ር ጉሚ ቦሩ ጌዶ

ስሜ ዶ/ር ጉሚ ቦሩ ጌዶ ይባላል። የተወለድኩትና ያደግኩት በምዕራብ ጉጂ ዞን፣ ከከብት አርቢ ማህበረሰብ ውስጥ ነው። የመጀመሪያ ደረጃ ትምህርቴን ከ1986 እስከ 1991 ዓ.ም. በቦረና ዞን ያቤሎ በሚገኘው ዳዲም ካቶሊክ የመጀመሪያ ደረጃ ትምህርት ቤት፣ እንዲሁም የሁለተኛ ደረጃ ትምህርቴን ከ1992 እስከ 1997 ዓ.ም. በቦረና ዞን ያቤሎ ሁለተኛ ደረጃ እና መሰናዶ ትምህርት ቤት ተምሬያለሁ። ከመቀሌ ዩኒቨርሲቲ በእንግሊዝኛ ቋንቋ እና ስነ-ጽሑፍ የትምህርት የመጀመሪያ ዲግሪ (B.Ed) በ3.84 ውጤት፣ ከአዲስ አበባ ዩኒቨርሲቲ በአጠቃላይ ስነ-ቋንቋ (General Linguistics) - በተለይም በማህበራዊ ስነ-ቋንቋ (Sociolinguistics) ዘርፍ - የማስተርስ ዲግሪ (MA) በ3.56፣ እንዲሁም ከህንድ ፑንጃቢ ዩኒቨርሲቲ በ(Anthropological Linguistics) የዶክትሬት ዲግሪ (PhD) አግኝቻለሁ። በአሁኑ ጊዜ በቡሌ ሆራ ዩኒቨርሲቲ (BHU) ውስጥ ረዳት ፕሮፌሰር ሆኜ እየሰራሁ ሲሆን በማስተማር፣ ችግር ፈቺ ምርምር በማድረግ እና የማህበረሰብ አገልግሎቶችን በማካሄድ ላይ እገኛለሁ። በወለጋ ዩኒቨርሲቲ፣ በቡሌ ሆራ ዩኒቨርሲቲ፣ በጊርጃ የተቀናጀ የገጠር ልማት ማህበር፣ በዩኒቲ ልማት ማህበር (UDA) ውስጥ በተለያዩ ድርጅቶች ጨምሮ የአስራ ስድስት ዓመታት የስራ ልምድ አለኝ። በወለጋ ዩኒቨርሲቲ የቋንቋዎች፣ የጋዜጠኝነት እና ኮሙኒኬሽን ኮሌጅ መምህር ሆኜ ሰርቻለሁ፡፡ በአሁን ጊዜ በቡሌ ሆራ ዩኒቨርሲቲ የማህበራዊ ሳይንስ እና የሰብአዊነት ኮሌጅ ረዳት ፕሮፌሰር እና ተመራማሪ ሆኜ እየሰራዉ ይገኛለዉ። የተማሪዎች ጉዳዮች ምክትል ዲን፣ የማህበረሰብ አገልግሎቶች እና የቴክኖሎጂ ሽግግር ዳይሬክተር፣ የዩኒቨርሲቲ ፕሬስ እና ዓለም አቀፍ ሊንኬጅ ዳይሬክተር፣ በቡሌ ሆራ ዩኒቨርሲቲ የምርምር፣ የማህበረሰብ ተሳትፎ እና የቴክኖሎጂ ሽግግር ምክትል ፕሬዝዳንት ሆኜ ሰርቻለዉ። በአዲስ አበባ ዩኒቨርሲቲ የሚመራው የአስተዳደር ወሰን፣ የራስን በራስ ማስተዳደር እና የማንነት ጉዳዮች ኮሚሽን ጥናት በማካሄድ ከኮሚሽን እና ከአዲስ አበባ ዩኒቨርሲቲ የምስክር ወረቀት አለኝ። በማስተማር፣ በስልጠና፣ በክትትል እና በግምገማ ዘርፎች ተግባራዊ ልምዶችን አካብቻለሁ። በእቅድ፣ በሪፖርት፣ በአስተዳደር፣ ክትትል እና በግምገማ አውደ ጥናት ማመቻቸት፣ በአቅም ግንባታ እና በመረጃ እና ግንኙነት ላይ ጥሩ እውቀት እና ልምድ አለኝ።