የኢትዮጵያ ፌደራላዊ ዴሞክራሲያዊ ሪፐብሊክ የሕዝብ ተወካዮች ምክር ቤት አፈ-ጉባኤ

የተከበሩ አቶ አህመድ ሽዴ

የተከበሩ አቶ አህመድ ሽዴ

መልዕክት

*******
ረቡዕ ጥቅምት 25, 2019
የምክር ቤቱ ጉዳዮች አስተባባሪ ኮሚቴ በአምስት ዓመት ስትራቴጂው ላይ ተወያየ

የምክር ቤቱ ጉዳዮች አስተባባሪ ኮሚቴ በአምስት ዓመት ስትራቴጂው ላይ ተወያየ

-----------------

(ዜና ፓርላማ ) ጥቅምት 25 ቀን፣ 2019 ዓ.ም.፤ የኢፌዴሪ የሕዝብ ተወካዮች ምክር ቤት አፈ ጉባዔ የተከበሩ አህመድ ሽዴ በምክር ቤቱ የአምስት ዓመት ስትራቴጂያዊ ዕቅድ ላይ ከምክር ቤቱ ጉዳዮች አስተባባሪ ኮሚቴ አባላት ጋር ተወያዩ።

አፈ ጉባዔው እንደገለጹት፣ ምክር ቤቱ ታላቁን የመደመር ስትራቴጂ ከምክር ቤታዊ ተልዕኮው ጋር በማጣጣም ዕምቅ ሀገራዊ አቅምን በተቋማዊ ሥርዓት ለማሳደግና ለሁለንተናዊ ሥልጣኔ ለማበርከት ይሠራል።

ለዚህም ሀገራዊ አንድነትን የሚያጠናክሩና ዕድገትን የሚያፋጥኑ ሕጎችን በማውጣት፣ የሕዝብ ሀብት አጠቃቀምን ከሀገራዊ ቅድሚያዎች ጋር በማጣጣም እና ተቋማት ለውጤታቸው ተጠያቂ እንዲሆኑ ውጤት ተኮር ክትትልና ቁጥጥር በማካሄድ ላይ ያተኩራል።

አክለውም፣ ምክር ቤቱ ዜጎችን በውይይትና በመግባባት ለመወከል፣ በፓርላማዊ ዲፕሎማሲ ንቁ ተሳትፎ ለማድረግ እና የኢትዮጵያን ጥቅምና ክብር በዓለም አቀፍ መድረኮች ለማስከበር እንደሚሠራ ገልጸዋል።

የሐሳብ ልዕልናን በማክበርና ስትራቴጂውን ለዜጎች ወደ ሚታይ ውጤት በመቀየር፣ ምክር ቤቱ በሥራ ዘመኑ መጨረሻ በአፍሪካ የፓርላማ ውጤታማነት ተምሳሌት የመሆን ራዕይ እንዳለው ጠቁመዋል።

ለሀገረ መንግሥት ግንባታ አቅም የሚፈጥሩ ማሻሻያዎችን መተግበር፣ ተቋማዊ ሽግግሩን በማስቀጠል ዲጂታል ምክር ቤት መገንባት እና በሰው ሀብት ልማት ለሴቶችና ለወጣቶች ትኩረት መስጠት የዕቅዱ ቁልፍ የሥራ አቅጣጫዎች መሆናቸውንም አስረድተዋል።

በምክር ቤቱ የመንግሥት ዋና ተጠሪ ሚኒስትር የተከበሩ ፍቃዱ ተሰማ በበኩላቸው፣ ምክር ቤቱ ታላቁን ሀገራዊ ስትራቴጂ ወደ ሕግ፣ በጀትና ተጨባጭ ውጤት የሚቀይር የሐሳብ መድረክ ለመሆን እንደሚሠራ ገልጸዋል።

ለሕግ አወጣጥ፣ ከስትራቴጂው ጋር ለተጣጣመ የበጀት ክትትል፣ ለውጤት ተኮር ቁጥጥር፣ ለሕዝብ ውክልናና የሐሳብ ልውውጥ፣ ለትውልድና ለሰው ሀብት ግንባታ እንዲሁም ለፓርላማዊ ዲፕሎማሲ ትኩረት እንደሚሰጥም አስረድተዋል።

የምክር ቤቱን ጽሕፈት ቤት የትንተናና የአፈጻጸም አቅም ለማጠናከር፣ የከፍተኛ ትምህርት ተቋማትን፣ የምሁራንን እና ለሀገራቸው አስተዋጽኦ ማድረግ የሚፈልጉ ኢትዮጵያውያንን አቅም ለመጠቀም እንደሚሠራም ጠቁመዋል።

(በበለጠ ሙሉጌታ)

For more news follow us on:-

Facebook http://www.facebook.com/hoprparliament

YouTube

https://www.youtube.com/@FDREHOPR

Telegram

https://t.me/ParlamaNews

Website.

www.hopr.gov.et

ተጨማሪ ለማንበብ...
ረቡዕ ጥቅምት 25, 2019
ኢትዮጵያና ካዛኪስታን የፓርላማና የኢኮኖሚ ትብብራቸውን ለማጠናከር ተወያዩ

ኢትዮጵያና ካዛኪስታን የፓርላማና የኢኮኖሚ ትብብራቸውን ለማጠናከር ተወያዩ

--------------------

(ዜና ፓርላማ ) ጥቅምት 25 ቀን፣ 2019 ዓ.ም.፤

የሕዝብ ተወካዮች ምክር ቤት አፈ ጉባኤ የተከበሩ አህመድ ሽዴ በኢትዮጵያ ከካዛኪስታን አምባሳደር ዣላጋስ አዲልባየቭ ጋር የሁለቱን አገሮች የፓርላማና የኢኮኖሚ ትብብር ስለማጠናከር ተወያዩ።

አፈ ጉባኤው ኢትዮጵያ ከካዛኪስታን ጋር በንግድ፣ በኢንቨስትመንትና በሌሎች መስኮች ለመሥራት ዝግጁ መሆኗን ገልፀዋል። ትብብሩን ለማጎልበት ሁለቱ አገሮች በቅርበት እንደሚሠሩም አስረድተዋል።

አምባሳደሩ የሁለቱ አገሮች ግንኙነት በተለያዩ መስኮች እየተጠናከረ መምጣቱን ጠቅሰው፣ በአገሮቹ መሪዎች በተደረሱ የትብብር ስምምነቶች ላይ በመመሥረት የልምድ ልውውጡን ማጠናከር እንደሚገባ ገልፀዋል።

አምባሳደሩ አክለውም የሁለቱ አገሮች የንግድ ልውውጥ ባለፈው ዓመት ከ61 በመቶ በላይ ማደጉን ገልፀዋል።

የንግድ ግንኙነቱን ይበልጥ ለማሳደግ የኢንቨስትመንት ዕድሎችን ማስፋትና ሁለቱ አገሮች ከእርስ በርስ የኢኮኖሚ ማሻሻያ ተሞክሮ መማማር እንደሚገባቸው አመላክተዋል።

በውይይቱ የሁለትዮሽ የፓርላማ ቡድኖችን ማቋቋምና ማጠናከር፣ እንዲሁም የሁለቱ ፓርላማዎች ባለሙያዎች ልምድ እንዲለዋወጡ ማድረግ እንደሚገባ ተነስቷል።

​(በ አምላኩ ነጋ)

ተጨማሪ መረጃዎችን ለማግኘት፡-

በፌስቡክ http://www.facebook.com/hoprparliament

በዩቲዩብ

https://www.youtube.com/@FDREHOPR

በቴሌግራም

https://t.me/ParlamaNews

በትዊተር

http://twitter.com/fdrehopr

በዌብሳይት

www.hopr.gov.et ይከታተሉ።

 

ተጨማሪ ለማንበብ...
ዓርብ ጥቅምት 06, 2019
የህዝብ ተወካዮች ምክር ቤት የቋሚ ኮሚቴዎች አደረጃጀት፣ ተግባርና ኃላፊነት ለመወሰን የቀረበ የውሳኔ ሃሳብ መርምሮ አጸደቀ

የህዝብ ተወካዮች ምክር ቤት የቋሚ ኮሚቴዎች አደረጃጀት፣ ተግባርና ኃላፊነት ለመወሰን የቀረበ የውሳኔ ሃሳብ መርምሮ አጸደቀ
------------------
(
ዜና ፓርላማ) ጥቅምት 5፣ 2019 ዓ.ም፤ አዲስ አበባ፤ የህዝብ ተወካዮች ምክር ቤት የቋሚ ኮሚቴዎች አደረጃጀት፣ ተግባርና ኃላፊነት ለመወሰን የቀረበ የውሳኔ ሃሳብ መርምሮ በሙሉ ድምጽ አጽድቋል፡፡

መንግሥት በ7ኛው ሀገራዊ ምርጫ ማግስት መስከረም 25 ቀን፣ 2019 ዓ.ም አዲስ የመንግሥት ምስረታ ማድረጉን ተከትሎ ለህዝብ ተወካዮች ምክር ቤት የተመረጡ የምክር ቤት አባላትን በአዲስ በማደራጀት ውጤታማ ስራ ለመስራት ስራ መጀመሩ ይታወቃል ፡፡

በዚህ መሰረት የምክር ቤቱን ቋሚ ኮሚቴዎች አደረጃጀት፣ ተግባር እና ኃላፊነት በአዲስ አደራጅቷል፡፡

የቋሚ ኮሚቴዎች ተግባር እና ኃላፊነት በአዲስ በማደራጀት ስያሜያቸው የተቀየሩ ተቋማት ስላሉ እና የመደመር መንግስትን ዋና ስትራቴጂ እቅድ መሰረት ያደረገ እንደሆነ የተከበሩ አፈ-ጉባኤ አህመድ ሽዴ ገልፀዋል፡፡

የምክር ቤት አባላቱ አንዳንድ የፌዴራል መንግስት ተቋማት እንደየስራ ባህሪያቸው በእያንዳንዱ ቋሚ ኮሚቴ መካተት እንዳለባቸው ጠቁመዋል፡፡

በዚህ መሰረት ምክር ቤቱ የሚከተሉት አስራ ሶስት ቋሚ ኮሚቴዎች አፅድቋል፡፡

ቋሚ ኮሚቴዎቹ፡-

1.
የሕግ እና ፍትህ ጉዳዮች ቋሚ ኮሚቴ፣
2.
የዲሞክራሲ ጉዳዮች ቋሚ ኮሚቴ፣
3.
የመንግስት ወጪ አስተዳደርና ቁጥጥር ጉዳዮች ቋሚ ኮሚቴ፣
4.
የሰው ሃብት ልማት፣ ስራ ስምሪት እና ቴክኖሎጂ ጉዳዮች ቋሚ ኮሚቴ፣
5.
የጤና፣ ማህበራዊ ልማት እና ስፖርት ጉዳዮች ቋሚ ኮሚቴ፣
6.
የውሃ፣ መስኖ፣ ቆላማ አካባቢ እና አካባቢ ልማት ጉዳዮች ቋሚ ኮሚቴ፣
7.
የግብርና ጉዳዮች ቋሚ ኮሚቴ፣
8.
የኢንዱስቲሪ እና ማዕድን ጉዳዮች ቋሚ ኮሚቴ፣
9.
የከተማ መሠረት ልማት እና ሎጂስቲክስ ጉዳዮች ቋሚ ኮሚቴ፣
10.
የንግድ፣ ባህልና ቱሪዝም ጉዳዮች ቋሚ ኮሚቴ፣
11.
የብሔራዊ ስትራቴጂ፣ በጀት እና ፋይናንስ ጉዳዮች ቋሚ ኮሚቴ፣
12.
የመንግስት ልማት ድርጅቶች ጉዳዮች ቋሚ ኮሚቴ እና
13.
የውጭ ግንኙነት እና የሰላም ጉዳዮች ቋሚ ኮሚቴ ናቸው፡፡

ለእያንዳንዱ ቋሚ ኮሚቴ ሰብሳቢ እና ምክትል ሰብሳቢ የሚኖሩት ሲሆን ሰብሳቢዎቹ በአፈጉ ባኤው አቅራቢነት በምክር ቤቱ ተመርጠዋል፡፡

ምክር ቤቱ ቋሚ የኮሚቴዎች አደረጃጀት፣ ተግባርና ኃላፊነት ለመወሰን የቀረበ የውሳኔ ሃሳብ 03 /2019 አድርጎ በሙሉ ድምፅ አፅድቋል፡፡

(
በዓለማየሁ ጌቴ)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et
ይከታተሉ።

ተጨማሪ ለማንበብ...
ዓርብ ጥቅምት 06, 2019
የሕዝብ ተወካዮች ምክር ቤት የተለያዩ የውሳኔ ሀሳቦችን መርምሮ አጸደቀ

(ዜና ፓርላማ) ጥቅምት 5፣ 2019 ዓ.ም፤ የሕዝብ ተወካዮች ምክር ቤት የተለያዩ የውሳኔ ሀሳቦችን መርምሮ በሙሉ ድምጽ አጽድቋል።

7
ኛው የህዝብ ተወካዮች ምክር ቤት 1ኛ ዓመት የስራ ዘመኑ 3ኛ መደበኛ ስብሰባ ተካሂዷል።

ምክር ቤቱ በዛሬው መደበኛ ስብሰባው የምክር ቤት ጉዳዮች አማካሪ ኮሚቴ አባላትን ለመሰየም የቀረበውን የውሳኔ ሀሳብ መርምሮ አጽድቋል።

በምክር ቤቱ የአሰራርና የአባላት የምክር ቤት ቋሚ ኮሚቴዎች አደረጃጀት፣ ተግባርና ኃላፊነት ለመወሰን የቀረበውን የውሳኔ ሀሳብንም እንዲሁ መርምሮ አጽድቋል።

በተጨማሪም የቋሚ ኮሚቴዎች ዕጩ አመራር እና አባላትን ምደባ አስመልክቶ የቀረበውን የውሳኔ ሀሳብ አጽድቋል።

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et
ይከታተሉ።

ተጨማሪ ለማንበብ...

በጾታ

በፖለቲካ ፓርቲ

የህዝብ ተወካዮች ም/ቤት ሥልጣንና ተግባር:-

  • ሕግ ማውጣት፣
  • የፌደራል መንግስት በጀትን መርምሮ ማፅደቅ፣
  • መንግስታዊ አካላትን መከታተል፤ መቆጣጠር እና አስፈላጊ ሆኖ ሲያገኝም እርምጃ መውሰድ፣
  • የራሱን የተለያዩ ኮሚቴዎችንና ሌሎች አስፈላጊ ክፍሎችን ማቋቋምና ማደራጀት፣
  • በራሱ የሚሰየሙ፣ የሚሾሙ እና የሚመረጡ የመንግስት ባለስልጣናትን መሰየም፣መሾም፣ማፅደቅና መምረጥ፣
  • አባላቱ ከመረጣቸው ህዝብ ጋር እንዲገናኙ  ማመቻቸት።
የህዝብ ተወካዮች ም/ቤት ሥልጣንና ተግባር:-

የጽ/ቤቱ ተልዕኮ፣ ረዕይ እና ዕሴቶች

ተልዕኮ

ጽ/ቤቱ የም/ቤቱ አባላትና አካላት ለሚያከናውኗቸው የሕግ አወጣጥ፣ ክትትልና ቁጥጥር፣ የውክልና እንዲሁም የፓርላማ ዲፕሎማሲ ተግባራት የማማከር፣ የጥናትና ምርምር አስተዳደራዊ አገልግሎት መስጠት እና የመረጃ ተደራሽነትን ማረጋገጥ ነው።

ርዕይ

በ2022 ነፃ፣ ገለልተኛና ጥራት ያለው ሙያዊና አስተዳዳራዊ አገልግሎት የሚሰጥ ጽ/ቤት መሆን፣

የተቋሙ ዕሴቶች

  • ለጋራ ስኬት መቆም፣
  • ቀጣይነት ያለው ለውጥ፣
  • ግልፅነትና ተጠያቂነት፣
  • መከባበርና መተባበር፣
  • ቀልጣፋና ውጤታማ አገልግሎት፣
  • ታማኝነትና ቅንነት፣
  • ውሳኔ ሰጭነት እና
  • ብዙኃነት ናቸው፡፡