የህዝብ ተወካዮች ምክር ቤት የቋሚ ኮሚቴዎች አደረጃጀት፣ ተግባርና ኃላፊነት ለመወሰን የቀረበ የውሳኔ ሃሳብ መርምሮ አጸደቀ
------------------
(ዜና ፓርላማ) ጥቅምት 5፣ 2019 ዓ.ም፤ አዲስ አበባ፤ የህዝብ ተወካዮች ምክር ቤት የቋሚ ኮሚቴዎች አደረጃጀት፣ ተግባርና ኃላፊነት ለመወሰን የቀረበ የውሳኔ ሃሳብ መርምሮ በሙሉ ድምጽ አጽድቋል፡፡

መንግሥት በ7ኛው ሀገራዊ ምርጫ ማግስት መስከረም 25 ቀን፣ 2019 ዓ.ም አዲስ የመንግሥት ምስረታ ማድረጉን ተከትሎ ለህዝብ ተወካዮች ምክር ቤት የተመረጡ የምክር ቤት አባላትን በአዲስ በማደራጀት ውጤታማ ስራ ለመስራት ስራ መጀመሩ ይታወቃል ፡፡

በዚህ መሰረት የምክር ቤቱን ቋሚ ኮሚቴዎች አደረጃጀት፣ ተግባር እና ኃላፊነት በአዲስ አደራጅቷል፡፡

የቋሚ ኮሚቴዎች ተግባር እና ኃላፊነት በአዲስ በማደራጀት ስያሜያቸው የተቀየሩ ተቋማት ስላሉ እና የመደመር መንግስትን ዋና ስትራቴጂ እቅድ መሰረት ያደረገ እንደሆነ የተከበሩ አፈ-ጉባኤ አህመድ ሽዴ ገልፀዋል፡፡

የምክር ቤት አባላቱ አንዳንድ የፌዴራል መንግስት ተቋማት እንደየስራ ባህሪያቸው በእያንዳንዱ ቋሚ ኮሚቴ መካተት እንዳለባቸው ጠቁመዋል፡፡

በዚህ መሰረት ምክር ቤቱ የሚከተሉት አስራ ሶስት ቋሚ ኮሚቴዎች አፅድቋል፡፡

ቋሚ ኮሚቴዎቹ፡-

1. የሕግ እና ፍትህ ጉዳዮች ቋሚ ኮሚቴ፣
2. የዲሞክራሲ ጉዳዮች ቋሚ ኮሚቴ፣
3. የመንግስት ወጪ አስተዳደርና ቁጥጥር ጉዳዮች ቋሚ ኮሚቴ፣
4. የሰው ሃብት ልማት፣ ስራ ስምሪት እና ቴክኖሎጂ ጉዳዮች ቋሚ ኮሚቴ፣
5. የጤና፣ ማህበራዊ ልማት እና ስፖርት ጉዳዮች ቋሚ ኮሚቴ፣
6. የውሃ፣ መስኖ፣ ቆላማ አካባቢ እና አካባቢ ልማት ጉዳዮች ቋሚ ኮሚቴ፣
7. የግብርና ጉዳዮች ቋሚ ኮሚቴ፣
8. የኢንዱስቲሪ እና ማዕድን ጉዳዮች ቋሚ ኮሚቴ፣
9. የከተማ መሠረት ልማት እና ሎጂስቲክስ ጉዳዮች ቋሚ ኮሚቴ፣
10. የንግድ፣ ባህልና ቱሪዝም ጉዳዮች ቋሚ ኮሚቴ፣
11. የብሔራዊ ስትራቴጂ፣ በጀት እና ፋይናንስ ጉዳዮች ቋሚ ኮሚቴ፣
12. የመንግስት ልማት ድርጅቶች ጉዳዮች ቋሚ ኮሚቴ እና
13. የውጭ ግንኙነት እና የሰላም ጉዳዮች ቋሚ ኮሚቴ ናቸው፡፡

ለእያንዳንዱ ቋሚ ኮሚቴ ሰብሳቢ እና ምክትል ሰብሳቢ የሚኖሩት ሲሆን ሰብሳቢዎቹ በአፈጉ ባኤው አቅራቢነት በምክር ቤቱ ተመርጠዋል፡፡

ምክር ቤቱ ቋሚ የኮሚቴዎች አደረጃጀት፣ ተግባርና ኃላፊነት ለመወሰን የቀረበ የውሳኔ ሃሳብ 03 /2019 አድርጎ በሙሉ ድምፅ አፅድቋል፡፡

(በዓለማየሁ ጌቴ)

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

(ዜና ፓርላማ) ጥቅምት 5፣ 2019 ዓ.ም፤ የሕዝብ ተወካዮች ምክር ቤት የተለያዩ የውሳኔ ሀሳቦችን መርምሮ በሙሉ ድምጽ አጽድቋል።

7ኛው የህዝብ ተወካዮች ምክር ቤት 1ኛ ዓመት የስራ ዘመኑ 3ኛ መደበኛ ስብሰባ ተካሂዷል።

ምክር ቤቱ በዛሬው መደበኛ ስብሰባው የምክር ቤት ጉዳዮች አማካሪ ኮሚቴ አባላትን ለመሰየም የቀረበውን የውሳኔ ሀሳብ መርምሮ አጽድቋል።

በምክር ቤቱ የአሰራርና የአባላት የምክር ቤት ቋሚ ኮሚቴዎች አደረጃጀት፣ ተግባርና ኃላፊነት ለመወሰን የቀረበውን የውሳኔ ሀሳብንም እንዲሁ መርምሮ አጽድቋል።

በተጨማሪም የቋሚ ኮሚቴዎች ዕጩ አመራር እና አባላትን ምደባ አስመልክቶ የቀረበውን የውሳኔ ሀሳብ አጽድቋል።

ተጨማሪ መረጃዎችን ለማግኘት፡-
በፌስቡክ http://www.facebook.com/hoprparliament
በዩቲዩብ
https://www.youtube.com/@FDREHOPR
በቴሌግራም
https://t.me/ParlamaNews
በትዊተር
http://twitter.com/fdrehopr
በዌብሳይት
www.hopr.gov.et ይከታተሉ።

"ሀገራዊ የምክክር ጉባኤው በስኬት በመጠናቀቁ እንኳን ደስ አለን" የተከበሩ አፈ ጉባኤ ታገሰ ጫፎ"

---------------------

(ዜና ፓርላማ) ነሐሴ 16፣ 2018 ዓ.ም፤ የሕዝብ ተወካዮች ምክር ቤት አፈ-ጉባኤ አቶ ታገሰ ጫፎ፣ የሀገራችንን ዘላቂ ሰላም፣ አንድነት እና አብሮነት በጽኑ መሠረት ላይ ለማቆም ያለመው ታሪካዊው ሀገራዊ የምክክር ጉባኤ በስኬት መጠናቀቁን በማስመልከት ለመላው ኢትዮጵያውያን የእንኳን ደስ አላችሁ መልዕክት አስተላልፈዋል።

አፈ-ጉባኤው በመልዕክታቸው፣ ይህ ጉባዔ ለነገዋ ጠንካራ ኢትዮጵያ መሠረት የተጣለበት እና የሀገራችን የወደፊት ዕጣ ፈንታ በጋራ የተቀረጸበት ታሪካዊ ምዕራፍ መሆኑን ገልጸዋል።

የዚህ የምክክር ሂደት ዋና ዓላማ በሀገራችን ለረጅም ጊዜያት የግጭት መነሻ የሆኑ መሠረታዊ ሀገራዊ ጉዳዮችን በውይይት መፍታት መሆኑን ያነሡት አቶ ታገሰ፣ ምክክሩ በኢትዮጵያ ታሪክ የመጀመሪያው አካታች እና አጠቃላይ ሀገራዊ መድረክ መሆኑ ልዩ እንደሚያደርገው አስረድተዋል።

የምክክር ሂደቱ በሕዝብ ተወካዮች ምክር ቤት በወጣው አዋጅ ቁጥር 1265/2014 መሠረት ራሱን የቻለ እና ገለልተኛ የፌዴራል መንግሥት አካል ሆኖ በተቋቋመው የኢትዮጵያ ሀገራዊ ምክክር ኮሚሽን አማካይነት በሕጋዊ ሥርዓት መመራቱን አፈ-ጉባኤው አስታውሰዋል።

ኮሚሽኑ ሥራ ከጀመረበት ጊዜ አንሥቶ እስከ ወረዳ እና ቀበሌ ድረስ በመውረድ አርብቶ አደሮችን፣ አርሶ አደሮችን፣ ሴቶችን፣ ወጣቶችን፣ አካል ጉዳተኞችን፣ የሃይማኖት ተቋማትን፣ የፖለቲካ ፓርቲዎችን፣ የሲቪክ ማኅበራትን እና ዳያስፖራውን ያካተተ ሰፊ ሥራ ማከናወኑ የምክክሩን ተአማኒነት እና ሕዝባዊ ቅቡልነት ማረጋገጡን አብራርተዋል።

ከሕዝብ እና ከባለድርሻ አካላት በተሰበሰቡ አጀንዳዎች መሠረት ተለይተው በቀረቡ ስምንት ዐበይት ሀገራዊ ጉዳዮች ላይ ከመላው ሀገራችን የተውጣጡ ከ4,000 በላይ ተሳታፊዎች በሰላማዊ እና ዴሞክራሲያዊ መንገድ ሰፊ ምክክር በማድረግ የጋራ መግባባት ላይ መድረሳቸው ተገልጿል።

በዚህም የኃይል እና የጦርነት ፖለቲካን በማስቀረት ችግሮችን በጠረጴዛ ዙሪያ መፍታት እንደሚቻል ማሳየት መቻሉን አፈ-ጉባኤው አጽንኦት ሰጥተዋል።

ጉባዔው በስኬት ሲጠናቀቅ ለሀገራችን ዘላቂ መፍትሔ የሚሆኑ በርካታ ዐበይት ምክረ ሐሳቦች መፍለቃቸውን የጠቆሙት አቶ ታገሰ ጫፎ፣ እነዚህ ምክረ ሐሳቦች ለቀጣይ የፖሊሲ ማሻሻያዎች፣ ለሕገ-መንግሥታዊ እና ተቋማዊ ለውጦች፣ እንዲሁም ለዘላቂ እርቅ እና ብሔራዊ መግባባት መሠረት የሚጥሉ መሆናቸውን አስገንዝበዋል።

የምክክሩ ዋነኛ ግብ የትናንት ታሪካዊ ስብራቶችን በማከም ለቀጣዩ ትውልድ ሰላሟ የተጠበቀ እና ብልጽግናዋ የተረጋገጠ ሀገር ማስረከብ በመሆኑ፣ መላው የኢትዮጵያ ሕዝብ፣ የፖለቲካ ኃይሎች እና የመንግሥት አካላት ከምክክሩ የተገኙ ውጤቶችን በባለቤትነት በመጠበቅ ወደ ተግባር እንዲተረጉሟቸው አፈ-ጉባኤው ጥሪያቸውን አስተላልፈዋል።

ለዚህ ታሪካዊ ምዕራፍ ስኬት አስተዋጽኦ ላደረጉ አካላትም በራሳቸው እና በምክር ቤቱ ስም ምስጋና አቅርበዋል።

ተጨማሪ መረጃዎችን ለማግኘት፡-

በፌስቡክ http://www.facebook.com/hoprparliament

በዩቲዩብ

https://www.youtube.com/@FDREHOPR

በቴሌግራም

https://t.me/ParlamaNews

በትዊተር

http://twitter.com/fdrehopr

በዌብሳይት

www.hopr.gov.et ይከታተሉ።

See less