የተከበሩ ወ/ሮ ወሰነች ቶማስ ያሹ

ስሜ ወሰነች ቶማስ ይባላል። የተወለድኩት መስከረም 1 ቀን 1968 ዓ.ም. በሚዛን ተፈሪ፣ ዲያቢ በተባለ መንደር ነው። በዘጠኝ ልጆች ቤተሰብ ውስጥ አደግሁ፤ አራት ወንድሞችና አምስት እህቶች አሉኝ። የአንደኛ ደረጃ ትምህርቴን በጋቻብ አንደኛ ደረጃ ትምህርት ቤት፣ የሁለተኛ ደረጃዬን ደግሞ በሚዛን ተፈሪ ሁለተኛ ደረጃ ትምህርት ቤት ተከታተልኩ። ትምህርት ቤት ለመድረስ በእግሬ ረጅም ርቀት እጓዝ ነበር። ይህ የልጅነት ተሞክሮ በሕይወቴ ሁሉ የቀጠለውን ትዕግስትና ቆራጥነት አስተማረኝ። በ1986 ዓ.ም. የመንግሥት ሥራዬን ጀመርኩ። በቤንች ማጂ ዞን በትምህርት፣ በትራንስፖርት፣ በሴቶች ማብቃት፣ በፋይናንስና በግብር ዘርፎች በተለያዩ የአመራር ኃላፊነቶች አገለገልኩ። ከዚያም ከባለቤቴና ከሁለት ወንዶች ልጆቼ ጋር ወደ ሀዋሳ በ2001ዓ.ም ተዛወርን፤ ሴት ልጃችንም በሀዋሳ ተወለደች። በሀዋሳ ቆይታዬ(ከ2001-2014) በSNNPR የፕሬዚዳንቱ ጽ/ቤት የፋይናንስ ዩኒት፣ በክልሉ የዕቅድና ልማት ቢሮ እና በንብረት ግዥና ማስወገጃ ዩኒት በከፍተኛ የአመራር ኃላፊነቶች ሠርቻለሁ። ከ2014 እስከ አሁን ድረስ ደግሞ የደቡብ ምዕራብ ኢትዮጵያ ሕዝቦች ክልል ፋይናንስና ኢኮኖሚ ልማት ቢሮ ኃላፊ ሆኜ አገልግያለሁ። በመንግስት/ህዝብ ሥራ ዘመኔ WFP፣ UNICEF እና WASH ከመሳሰሉ የዓለም አቀፍ የልማት አጋሮች ጋር በመስራት ለሀገርና ለሕዝብ ልማት አስተዋጽኦ ለማድረግ ዕድል አግኝቻለሁ። በተለይም የሕዝብ የፋይናንስ ሀብትን በኃላፊነት፣ በጥንቃቄና በተጠያቂነት መምራት ሁሌም እንደ ትልቅ አደራ ነው የምቆጥረው። ከብዙ ዓመታት የሥራ ጉዞ በኋላ በ2018 ዓ.ም. ወደ ሚዛን መመለሴ ለእኔ ልዩ ትርጉም አለው። የሕይወቴ ጉዞ ከዲያቢ መንደር ረጅም ርቀት በእግሬ ወደ ትምህርት ቤት ከምሄድ ልጅነት እስከ ከፍተኛ የመንግሥት አመራር ኃላፊነት ድረስ የደረሰ ጉዞ ነው። ይህ ጉዞ በትጋት፣ በትምህርት፣ በታማኝነትና በአገልግሎት የሚመራ ሕይወት ትልቅ ለውጥ ማምጣት እንደሚችል አስተምሮኛል።