የተከበሩ ዶ/ር አወቀ አምዛዬ አሶማ

የትምህርት ዝግጅት - የመጀመሪያ ድግሪዬን በታሪክ የወሰድኩት ከአዲስ አበባ ዩኒቨርስቲ በታሪክ፣ - የማስተርስ ድግሪ በባዮሎጂካል/ፐሊየ አንትሮፖሎጂ ከቶኪዮ ዩኒቨርስቲ እና - የማስተርስ ድግሪ በማህበራዊ/ሶሻል አንትሮፖሎጂ ከለንደን ስኩል ኦፍ ኢኮኖሚክሰ (LSE) አግኝቻለሁ፡፡ - የፒ.ኤች.ዲ (PhD) ድግሪዬን የወሰድኩት አሜሪካን አገር ከሚገኘው የዋሽንግተን ስቴት ዩኒቨርስቲ ነው፡፡ በመንግሥት የሥራ አገልግሎት በመንግሥትና የሥራ ዓለም በሥራ ዓለም ከጀማሪ የጥናትና ምርምር ሠራተኝነት እስከ ከፍተኛ ሹመት ተመድቤ አገልግያለሁ፡፡ - የመጀመሪያ ድግሩዬን እንደተመረቅሁ ትግራይ ክፍለ ሐገር የባህል ሚኒስቴር የትግራይ ቅርንጫፍ ጽ/ቤት በጀማሪ ተመራማሪነት ተመድቤ ለሁለት ዓመታት አገልግያለሁ፡፡ - ከዚያም ወደ ሲዳሞ ክፍለ ሀገር ተዛውሬ በሲዳሞ ክፍለ ሀገር የባህል ሚኒስቴር ቅርንጫፍ ጽ/ቤት የቅርስ ጥናትና ጥበቃ ቡድን መሪ፣ - የደቡብ ብ/ብ/ሕ/ክልላዊ መንግሥት የባህልና ስፖርት ቢሮ ሲመሰረት በሹመት የባህል በምሪያ ኃላፊ፣ - ቀጥሎም በሹመት የባህልና ስፖርት ቢሮ ኃላፊ፣ - የባህል፣ ቱሪዝምና ስፖርት ቢሮ ኃላፊ፣ - የማስተርስ ትምህርቴን ጨርሼ ስመለስ የደ/ብ/ብ/ክ/መንግሥት የባህል፣ ቱሪዝምና ማስታወቂያ ቢሮ በውደድር/ምደባ የባህልና ቱሪዝም መምሪያ ኃላፊ ሆኜ አገልግያለሁ፡፡ ሀዋሳ ዩኒቨርስቲ - ወደ 6ኛው ዙር የሕዝብ ተወካዮች ም/ቤት ተመርጬ ከመግባቴ በፊት በሀዋሳ ዩኒቨርስቲ ረዳት ፕሮፌሰር መምህር እና - የማህበራ ሳይንስና ሂዩማኒቲስ የትምህርት ክፍል የትምህርት ጥራት ተቆጣጣሪ ሆኜ አገልግያለሁ፡፡ 6ኛው ዙር የሕዝብ ተወካዮች ም/ቤት - በ6ኛው የኢፌድሪ የሕዝብ ተወካይ ም/ቤት የውኃ፣ መስኖ፣ ቆላማ አካባቢዎች ልማትና አካባቢ ጥበቃ ቋሚ ኮሚቴመ ምክትል ሰብሳቢ - በፓን አፍሪካ ፓርላማ አባል ሆኜ ተመድቤ የተሰጠኝን ኃላፊነት እንዲሁም ም/ቤቱ በተለያዩ ጊዜያዊ ኮሞቴዎች መድቦኝ ኃላፊነቴን በአግባቡ ተወጥቻለሁ፡፡ ከምንግሥት ሥራ ውጭ አገልግሎት - ከመንግሥት ሥራ ውጭ የባህልና ተፈጥሮ ማህበር የተሰኘ ማህበር ከሌሎች ባልደረኖቼ ጋር በማቋቋም የድርጅቱ የፕሮጄክት ኃላፊ ሆኜ አገልግያለሁ፡፡ በዚህን ወቅትም o የኮንሶ ባህላዊ መልክዓ-ምድር የዓለም ቅርስ ሆኖ እንዲመዘገብ የዋናው የጥናት ቡድን ኮር አባል እና የፕሮጄክቱ ፕሮግራም መሪ ሆኜ የኮንሶ ባህላዊ መልክዓምድር የዓለም ቅርስ ሆኖ እንዲመዘብ ካደረጉት ሦስት ሰዎች አንዱ ነኝ፡፡ o ከዚህ በተጨማሪም አሁን የብሔረሰቦች ፌስቲቫል ተብሎ ሕዳር 29 የሚከበረው በዓል ከመጀመሩ በፊት በአርባምንጭ (አዋሳ፣ ዲላ፣ ሚዛን፣ ወልቂጤ እና አዲስ አበባ ጭምር) ለተከታታይ 3 (ሦስት ዓመታት) 1000 ኮከቦች ፌስቲቫል በሚባል ይታወቅ የነበረውን የባህልና ቱሪዝም ፌስቲቫል ዋና አዘጋጅና መሪ ሆኜ አገልግያለሁ፡፡ - በመጨረሻም በኮንሶ፣ በአፋርና በኦሞ የቅድመ ታሪክ ዓለም አቀድ የጥናትና ምርምር ፕሮጄክቶች አባል ሆኜ ለረዥም ዓመታት ሰርቻለሁ፡፡ - እንዲሁም በአፋር ክልልና በደቡብ ኢትዮጵያ ክልል የቱሪዝም ፖቴንሻል የጥናት ፕሮጄክቶች ጥናት ሲካሄዱ በዋና አጥኚነት አገልግያለሁ፡፡ በእነኚህ የሥራ ዘመኖችም 3 (ሦስት) መጻሕፍትን እና በርካታ እርቲክሎችን በዓለም አቀፍ ጆርናሎችና በአገር ውስጥ ጆርናሎችና ጋዜጦች አሳትሜያለሁ፡፡