የተከበሩ ወ/ሮ ዛራ ቢፍቱ ነቢ

ወይዘሮ ዛራ ቢፍቱ በሀገራችን የትምህርት፣ የፖለቲካና የህዝብ አገልግሎት ዘርፎች ውስጥ ጉልህ አሻራ ያሳረፉ፣ ከመምህርነት ተነስተው የህዝብ ተወካዮች ምክር ቤት አባልነት ደረጃ ላይ የደረሱ ጠንካራና ተምሳሌት የሆኑ አመራር ናቸው። 1. ልደትና የቤተሰብ አስተዳደግ ወይዘሮ ዛራ ቢፍቱ በ1975 ዓ ም በኦሮሚያ ክልል፣ በአርሲ ዞን፣ በዙዋይ ዱግዳ ወረዳ፣ ዱግዳ ባቱ ቀበሌ ተወለዱ። የወላጅ እናታቸው ስም ወይዘሮ ዋሪቴ ሀሹ ሲሆን፣ የአባታቸው ስም ባላምባራስ ቢፍቱ ፊት አውራሪ ነቢ ይባላሉ። 2. የትምህርት ዝግጅት የመጀመሪያ ደረጃ ትምህርት 1ኛ - 6ኛ ክፍል ፦ ዕድሜያቸው ለትምህርት እንደደረሰ በ1981 ዓ ም በዱግዳ ሩኬሳ 1ኛ ደረጃ ትምህርት ቤት የጀመሩ ሲሆን፣ በ1986 ዓ ም የ6ኛ ክፍል ሀገር አቀፍ ፈተናን በስኬት አጠናቀዋል። መካከለኛና ሁለተኛ ደረጃ ትምህርት 7ኛ - 12ኛ ክፍል ፦ በ1987 ዓ ም በአረጣ ጩፈ መካከለኛ ደረጃ ትምህርት ቤት የ7ኛ ክፍል ትምህርታቸውን የተከታተሉ ሲሆን፣ ከ8ኛ እስከ 12ኛ ክፍል ያለውን ትምህርት ደግሞ በከታር ፏፏቴ መካከለኛና 2ኛ ደረጃ ትምህርት ቤት በመከታተል በ1993 ዓ ም የ12ኛ ክፍል ሀገር አቀፍ ፈተናን ማትሪክ ወስደዋል። የመጀመሪያ ዲፕሎማ፦ በማትሪክ ፈተና 2.4 ውጤት በማምጣት፣ በ1994 ዓ ም በአዳማ የመምህራን ማሰልጠኛ ኮሌጅ በመግባት ለሁለት ዓመታት 1994 - 1995 ዓ ም ተምረው በዲፕሎማ ተመርቀዋል። የሁለተኛ ዲግሪ ማስተርስ ትምህርት፦ በ2010 ዓ ም መንግስት ለአመራሮች በፈቀደው የትምህርት ዕድል መሠረት ተወዳድረው በማለፍ፣ የ2ኛ ዲግሪያቸውን ትምህርት በዩኒቨርሲቲ ተከታትለዋል። 3. የሙያና የስራ ልምድ የትምህርት ዘርፍ ወይዘሮ ዛራ ከሐምሌ 1 ቀን 1995 ዓ ም ጀምሮ በመምህርነት ሙያ የተቀጠሩ ሲሆን፣ በተለያዩ የኃላፊነት ቦታዎች ላይ በብቃት አገልግለዋል፦ መምህርነት፦ በ1996 ዓ ም በዙዋይ ዱግዳ ወረዳ በጎልቤ 1ኛና መካከለኛ ደረጃ ትምህርት ቤት ስራቸውን የጀመሩ ሲሆን፣ ከ6 ወር አገልግሎት በኋላ ወደ አባርገዳ 1ኛና መካከለኛ ደረጃ ትምህርት ቤት በመዘዋወር ለሁለት ዓመታት አስተምረዋል። ምክትል ርዕሰ መስተዳድር የትምህርት ቤት ፦ ከ1998 እስከ 2000 ዓ ም ድረስ በትምህርት ቤቱ ምክትል ርዕሰ መስተዳድር በመሆን ጎን ለጎን የማስተማር ስራውን አከናውነዋል። የጉድኝት CRC) ሱፐርቫይዘር፦ ከ2001 እስከ 2003 ዓ ም ድረስ የጉድኝት ማዕከል ሱፐርቫይዘር በመሆን በትምህርት ጥራት ላይ ሰርተዋል። የወረዳ ትምህርት ፅህፈት ቤት ኃላፊ፦ ከ2004 እስከ 2006 ዓ ም ድረስ የወረዳውን የትምህርት ዘርፍ በበላይነትና በብቃት መርተዋል። 4. የወረዳና የዞን አመራርነት ሚናዎች በትምህርት ዘርፍ ካሳዩት ከፍተኛ ብቃት በኋላ፣ በተለያዩ የመንግስትና የድርጅት መዋቅሮች ውስጥ የሚከተሉትን ከፍተኛ ኃላፊነቶች ተረክበው ሰርተዋል፦ በ2007 ዓ ም፦ የወረዳው የሴቶችና የህፃናት ፅህፈት ቤት የአቅም ግንባታ ስራ መሪ በ2008 ዓ ም፦ የወረዳው የድርጅት ፅህፈት ቤት የአደረጃጀት ዘርፍ ኃላፊ በ2009 ዓ ም፦ በአርሲ ዞን፣ ጢዮ ወረዳ በድርጅት ፅህፈት ቤት የፖለቲካ ዘርፍ መሪ በ2010 ዓ ም፦ በዞኑ የድርጅት ፅህፈት ቤት ምክትል ሱፐርቪዥን ለ6 ወራት ያህል፣ ወደ ዩኒቨርሲቲ እስከገቡበት ጊዜ ድረስ በ2011 ዓ ም፦ በዞኑ ትምህርት ፅህፈት ቤት የ-ICT ስራ መሪ ከ2012 - 2014 ዓ ም፦ የአርሲ ዞን ትምህርት ፅህፈት ቤት ኃላፊ ዘርፉን በብቃት የመሩበት ወቅት 5. የፓርላማ የህዝብ ተወካዮች ምክር ቤት አባልነት ወይዘሮ ዛራ ቢፍቱ በሀገር አቀፍ የፖለቲካ መድረክ ላይ የህዝብ ድምፅ በመሆን ከፍተኛ አገልግሎት በመስጠት ላይ ይገኛሉ፦ የመጀመሪያ ዙር 6ኛው ጠቅላላ ምርጫ - 2014 ዓ ም ፦ የብልፅግና ፓርቲን በመወከል በዙዋይ ዱግዳ ወረዳ፣ ኦጎልቾ ምርጫ ጣቢያ በመወዳደር የህዝብ ተወካዮች ምክር ቤት ፓርላማ አባል ሆነው ተመረጡ። በዚህ የፓርላማ ቆይታቸው ለ5 ዓመታት ያህል በዴሞክራሲ ጉዳዮች ቋሚ ኮሚቴ አባልነት ሀገራቸውን በታማኝነት አገልግለዋል። የሁለተኛ ዙር 7ኛው ጠቅላላ ምርጫ - 2018 ዓ ም ፦ በ2018 ዓ ም በተካሄደው 7ኛው ጠቅላላ ምርጫ ላይ፣ በድጋሚ የዙዋይ ዱግዳ ወረዳን ህዝብ በመወከል ለሁለተኛ ጊዜ የህዝብ ተወካዮች ምክር ቤት አባል ሆነው በታላቅ ህዝባዊ አደራ ተመርጠዋል። ማጠቃለያ ወይዘሮ ዛራ ቢፍቱ ካላቸው የረጅም ጊዜ የመምህርነት፣ የሱፐርቫይዘርነት፣ የወረዳና የዞን ቢሮ ኃላፊነት እንዲሁም የፓርላማ አባልነት ሰፊ ልምድ በመነሳት፣ ህዝባቸውንና ሀገራቸውን በታማኝነት፣ በዕውቀትና በቅንነት ለማገልገል ሁልጊዜም የተዘጋጁ አንቱ የተባሉ ባለውለታ አመራር ናቸው።