የተከበሩ ዶ/ር ባይሳ ባዳዳ በዳሳ

ዶ/ር ባይሳ ባዳዳ በዳሳ በኢኖቬሽንና ቴክኖሎጂ ሚኒስቴር የምርምር እና ኢኖፄሽን ሚኒስትር ዴኤታ በመሆን በማገልገል ላይ የሚገኙ የመንግስት የስራ ኃላፊ ናቸው። በከፍተኛ የመንግስት አስተዳደር ባካበቱት ልምድ፣ የኢትዮጵያን የፈጠራ ስነ-ምህዳር  እና ሀገራዊ ስትራቴጂዎችን ወደ ዘላቂ የቴክኖሎጂ ትራንስፎርሜሽን በማምራት የበኩሉን ሚና እየተጫወተ ይገኛሉ። አሁን ካላቸው የሚኒስትር ዴኤታነት ኃላፊነት በፊት በተለያዩ ክልላዊ እና ከተማ አስተዳደር መዋቅሮች ውስጥ ከፍተኛ የአመራር ብቃታቸውን አስመስክረዋል። የኢኮኖሚ ዕድገት ውጥኖችን በበላይነት የመሩበት የኦሮሚያ ኢንቨስትመንት ኮሚሽን ኮሚሽነር፣ እንዲሁም የኦሮሚያ መሬት አስተዳደር፣ አጠቃቀምና ልማት ምትክ ኃላፊ በመሆን አገልግለዋል። የስልት አመራር ሚናቸው በቦርድ አስተዳደር ውስጥም የጎላ ሲሆን፣ የፈጠራ ለልማት ፕሮጀክት የቦርድ ሰብሳቢ በመሆን፣ እንዲሁም የኢንዱስትሪ ፓርኮች ልማት ኮርፖሬሽን (SEZ) እና በሌሎችም ዘርፍ ቦርድ አባል በመሆን በማገልገል ላይ ይገኛሉ። ዶ/ር ባይሳ ከህንድ ካላስሊንጋም ዩኒቨርሲቲ በማኔጅመንት ጥናት የዶክትሬት ዲግሪ፣ እንዲሁም ከአዲስ አበባ ዩኒቨርሲቲ በትምህርት አመራር የማስተርስ ዲግሪ እና በሂሳብ ሳይንስ የባችለር ዲግሪ አግኝተዋል። ከሃርቫርድ ቢዝነስ ትምህርት ቤት፣ ከዩንክታድ (UNCTAD) እና ከኤዲቢአይ (ADBI) በቴክኖሎጂ ፈጠራ፣ በአርቲፊሻል ኢንተለጀንስ እና በዲጂታል የህዝብ መሠረተ ልማት ዘርፎች ልዩ የሙያ ማረጋገጫዎችን በመውሰድ ቀጣይነት ላለው የአመራር ብቃት እድገት ያላቸውን ቁርጠኝነት አሳይተዋል። በተጨማሪም በዲጂታል ዘመን መሪነት፣ በዘላቂ መሠረተ ልማት እና በቁሳቁስ ሳይንስ ላይ ያተኮሩ 21 በአቻ ግምገማ ያለፉ (peer-reviewed) ጽሁፎችን ያሳተሙ ሲሆን፣ ይህም ውስብስብ ሀገራዊ ተግዳሮቶችን ለመፍታት ያላቸውን ሁለገብ ሳይንሳዊ አቀራረብ ያንፀባርቃል።