የህዝብ ተወካዮች ምክር ቤት የአስተዳደር ወሰንና የማንነት ጉዳዮች ኮሚሽን አባላትን ለመሾም የቀረበለትን የውሳኔ ሃሳብ መርምሮ አጸደቀ፣

ምክር ቤቱ ጥር 28/2011 ዓ.ም.ባካሄደው 24ኛ መደበኛ ስብሰባው የአስተዳደር ወሰንና የማንነት ጉዳዮች ኮሚሽንን እና የዕርቀ-ሰላም ኮሚሽን አባላትን ሹመት መርምሮ አጽድቋል፡፡

በምርጫው የተካተቱት አባላት ከአገሪቱ ከሁሉም ዘርፍ የተውጣጡ ምሁራን፣ ፖለቲከኞችና ተዋቂ ሰዎች እንዲሁም የሃይማኖት አባቶች ናቸው ሲሉ የመንግስት ተጠሪ ሚኒስትር ዴኤታው አቶ ጫላ ለሚ ለምክር ቤቱ አስረድተዋል፡፡

በተመረጡ አባላት ተገቢነት ዙሪያ ከምክር ቤት አባላት ለተነሱ ጥያቄዎች ምላሽና ማብራሪያ የሰጡት አቶ ጫላ ለሚ እነዚህ ምሁራኖችና ፖለቲከኞች በአገሪቱ ውስጥ የተፈጠረውን ችግር ከደር ሆነው ከሚመለከቱ ይልቅ ችግሩን በመለየትና በመፍታት ሂደት ውስጥ ቢሳተፉ የራሳቸውን አስተዋጽኦ ሊያበረክቱ ይችላሉ ብሎ መንግስት ያመነባቸው ናቸው ብለዋል፡፡

ምርጫው አገራችንን ወደፊት ሊያራምድ የሚችል፣ የተደራጀና በጥናት ላይ የተመሰረተ ነገር ለመንግስት ማቅረብ የሚያስችልና አቅም ያላቸው ግለሰቦች ስብስብ እንደሆነም አቶ ጫላ አስገንዝበዋል፡፡

ከተመረጡት 41 የአስተዳደር ወሰንና የማንነት ጉዳዮች ኮሚሽን አባላት መካከል፡­-

1. ዶ/ርሙላቱ ተሾመ
2. ዶ/ር አሸብር ወ/ጊዮርጊስ
3. ዶ/ር ኦባንግ ሜቶ
4. ዶ/ር ነጋሳ ጊዳዳ
5. ዶ/ር አረጋዊ በርሄ
6. ዶ/ር መራራ ጉዲና
7. አቶ አንዳርጋቸው ጽጌ ይገኙበታል፡፡

እንዲሁም 42 ቁጥር ካላቸው የዕርቀ-ሰላም ኮሚሽን አባላት መካከል፡­-

1. ዶ/ር ምህረት ደበበ
2. ኘ/ር በየነ ጴጥሮስ
3. አርቲስት ደበበ እሸቱ
4. ዶ/ር ብርሃኑ ነጋ
5. ኮ/ል ጐሹ ወልዴ ይገኙበታል፡፡